آآآآآآآآه يــا يمــه...

يمه أنا صدري من الهم ضايق
أضلوع صدري مايشيلن همه
يمه أريد أبكي وأهد الغلايق
أزريت حتى الجو ما أقدر أشمه
تكفين ضميني ترى الموت سايق
يسوق روحي بين لمه ولمه
يمه أبي فرقا عيون الخلايق
اللي تباريني على كل يمه
طفله وأخاف اليوم ظلم الحقايق
أخاف يسقيني الزمن مر سمه
يمه بموت من الهجر والشفايق
دام الهوى المطعون فالعين زمه
يمه أنا مابحت لأدنى الرفايق
والله ما قهويت عرقي بدمه
يمه انطعنت وجرحي اليوم فايق
في ذمتي لاشق ثوبي وكمه
يمه أبي أعرف إذا الموت بايق
هو باق خلي من عيون تهمه
علمه لفاني من دروب وطريق
قولي ترى حيلي فقد كل عزمه
ياليتني مااقفيت بالود رايق
يوم أن عينه تبتسم لي ببسمه
يقول ماغيرك لنا العمر لايق
العمر راح اليوم دونه مذمه
راح وتركني ماتحرى الوثايق
الموت ضمه قبل صدري يضمه

واتمنى هالقصيده تنال اعجاب الكل
واسمحولي على القصووور

سلمت يالغاوي ..

ما عليك قصــــــــــور ..


عاد لا تحرمنا من يديدك ..